Minlərlə yəmənli Hüseyn (ə) Tasuası ilə əlaqədar yürüş keçirdi

Minlərlə Yəmən vətəndaşı Hüseyn (ə) Tasuası ilə əlaqədar Səna və Sədə şəhərlərinin müxtəlif bölgələrində yürüş keçirib.

İQNA (Beynəlxalq Quan Xəbər Agentliyi) Sahartv-yə istinadla xəbər verir ki, Yürüş iştirakçıları Kərbəla şəhidləri üçün əzadarlıq edib və səudiyyə rejiminin cinayətlərini pisləyiblər.

Səna və Sədədə keçirilən yürüşlərdə yəmənlilər Səudiyyə Ərəbistanının Yəmənə hücumlarının dərhal dayandırılmasını tələb ediblər.

Səudiyyə Ərəbistanı ABŞ-ın dəstəyi ilə 2015-ci il mart ayından Yəmənə hərbi təcavüz edib və istefaya getmiş prezident Əbdrəbbə Mənsur Hadini iqtidara qaytarmaq bəhanəsi ilə bu ölkəni hər tərəfdən mühasirəyə alıb.

Bu hərbi təcavüz nəticəsində indiyə qədər 13 mindən çox yəmənli həlak olub, yoxsul ölkəərzaq və dərman preparatı çatışmazlığı ilə üzləşib.