Mosulda təkfirçi sələfi terroristlər tərəfindən dağıdılmış məzarlar - FOTO
İQNA- nın (Beynəlxalq Quran Xəbər Agentliyi) İraqın “əl-Hikmət” xəbər və informasiya portalına istinadla verdiyi xəbərə görə, İraqın Neynəva əyalətindəki qədim müqəddəs məzar və ziyarətgahların çoxu təkfirçi, sələfi, vəhabi və terrorist İŞİD ünsürlərinin hədəfinə tuş gələrək dağıdılıb.
Qəlb gözü kor olmuş və ruhu çirkinliklərə aludələşmiş vəhşi və radikal İŞİD terrorist təkfirçi qruplaşmasının dağıtdığı müqəddəs məzar və mərqədlərdən biri də şiələrin dördüncü məsum rəhbəri Həzrət İmam Zeynül-Abidin Əli ibn Hüseyn (ə)- ın qızı Həzrət Zeynəbi- Süğra xatundur.
Bundan əlavə İŞİD təkfirçi terroristləri İraqın Neynəva əyalətində yerləşən Sə`d ibn Əqilin məzarını Təlafərdə, Zakiruddin Əərəcin qəbrini Şenqalda, Həzrət Əli Əkbərin (ə) balalarının qəbrini, bəzi saleh insanlar, övliyalar və peyğəmbərlərin qəbirlərini dağıdıblar.
İŞİD təkfirçi terrorist ünsürləri İraqın Neynəva əyalətinin Mosul şəhərini işğal edən kimi bu şəhərin qədim və tarixi binalarını, abidələrini və müqəddəs məkan və məzarlarını dağıdıblar. İraqın və həmçinin müsəlmanların keçmişini əks etdirən bu məkanların hamısının bu gün ağır iqtisadi xərclər ilə yenidən qurulmağa ehtiyacı vardır. Buna görə də İraq şiələrin Vəqflər idarəsi bu işi öz öhdəsinə götürmüşdür.
http://iqna.ir/fa/news/3683347
