Avropada ən qədim məscidin qalıqları tapıldı
İQNA-nın (Beynəlxalq Quran Xəbər Agentliyi) "sputniknews.com" informasiya portalına istinadla verdiyi xəbərə görə, Avropa arxeoloqları qazıntılar zamanı bu qitənin ən qədim məscidinin qalıqlarını kəşf ediblər.
Avropanın ən qədim məscidinin qalıqları İspaniyanın paytaxtı Madrid şəhərinin yaxınlığındakı bir kənddən tapılıb.
İspaniyanın qədim və tarixi "Visigothic" şəhərinin qalıqları Madrid şəhərinin yaxınlığındakı "Reccopolis" kəndi ərazisində yerləşir.
Arxeoloqların bu qədim ərazidə axtarışları zamanı "Visigothic" şəhərinin divarları və bəzi tikililərinin qalıqları kəşf edilib. Hələ torpaq altından tam çıxarılmamış 1400 illik bu şəhər qalıları arasında bir sarayın və bir məscidin qalıqları tapılıb. Ehtimal olunur ki, bu məscid Avropanın ən qədim məscididir.
Müsəlman qoşunları 711-ci milad ilində "Visigothic" şəhərinə daxil olublar. Hazırda bu ərazidə tapılan qədim şəhər binalarında Orta Şərqin İslami memarlıq üsulları da müşahidə olunur. Bu binlardan biri memarlıq baxımından həmin dövrün məscidlərinə daha çox oxşayır. Bu barədə daha ətraflı və dəqiq məlumat qazıntı işləri tamamlandıqdan sonra veriləcək.
