İQNA-nın (Beynəlxalq Quran Xəbər Agentliyi) verdiyi xəbərə görə, İraqın cənubunda yerləşən Bəsrə əyalətinin İslami Fondlar rəisi Məhəmməd Əbdülvəhab Molla İran İslam Respublikasının Bağdaddakı Mədəniyyət Əlaqələri İdarəsinin məsulu Höccətul-İslam vəl-müslimin Qulamrza Əbazəri ilə görüşüb.
Bəsrə əyalətinin İslami Fondlar rəisi Məhəmməd Əbdülvəhab Molla ikitərəfli görüşdə deyib: İran İslam Respublikası və İran xalqı İraqda sevilir və iraqlıların ürəklərində xüsusi yerləri vardır.
Məhəmməd Əbdülvəhab Molla Bəsrənin ictiami, siyasi və mədəni durumuna işarə edərək deyib: Bəsrədə cəmiyyətin tək-tək insanları, alimlər, məzhəblər və müxtəlif ictimai təşkilatlar arasında vəhdət və birlik vardır.
O vurğulayıb: İraq xalqı İsrail və ABŞ-ın yaratdığı xaosdan çox əzab çəkib, buna görə də Amerikalıları öz torpaqlarında görmək istəmir, və xalq özü bütün terrorçuların qarşısını almağa hazır və qadirdir.