د پاکستان رسنیو د اسلامی انقلاب د معظم رهبر بیانات په پراخه توګه منعکس کړل
قرآنی خبر خپروونکې نړیواله ټولنه(ایکنا) راپور له مخې، ایران پښتو راډیو خبرونو ویبپاڼې نه په نقل، حضرت آیت ا... العظمی خامنه ای پرون سحر د قم د زرګونو خلقو په کتنه کښې په وروستیو ورځو کښې د ملت په موقع او منسجم ستر او له ولولې ډک خوزښت په ستائېنې او قدرونې سره د ایران د ملت په خلاف د دښمنانو د ټولو دښمنیو او دسیسو ریښه او وجه اسلامی انقلاب وبلۀ او تاکید یې وکړ په دغو څلوېښتو کلونو کشې د دښمن ټول ناکامه حرکات په حقیقت کښې په انقلاب باندې حمله ده، ځکه چې انقلاب د دښمن د سیاسی شتون جرړې ووېستې
د پاکستان اېکسپرېس ټریبیون ورځپاڼې په دې اړه په یو خبر کښې ولیکل: آیت ا... علی خامنه ای وویل: د ایران ملت امریکې، برطانیې او هغو کسانو ته چې د ایران د اسلامی جمهوریت نسکورول غواړی دوباره اعلان کوی چې تاسو په خپلو دسیسو کښې ماتې خوړلې ده او اوس هم ماتې خورئ.
د پاکستان رېډیو هم په دې په یو خبر کښې وویل: آیت ا... خامنه ای په خپله وېنا کښې وویل:بهرنیو دښمنانو د اسلامی نظام په خلاف په خپلو اقداماتو او دسیسو کښې ماتې خوړلې ده.
د پاکستان چاپ بېزنېس رکورډر هم په دې باره کښې په یو خبر کښې ولیکل: د ایران ستر رهبر د دښمن د دسیسو په خلاف د خلقو ستر غورځنګ وستائیۀ او د دغه نظام په خلاف د مظاهرو د تحریکولو او برابرولو په اړه امریکې او صهیونېسټ رژیم ته خبردارے ورکړ.
http://parstoday.com/ps/news/pakistan-i63133
