Tamasha La Chakula ‘Halal’ Lafana mjini London
Tamasha hilo, ambalo ni tamasha kubwa zaidi la chakula Halal nchini Uingereza, limewavutia maelfu ya wageni katika siku hizo mbili.
Waliotembelea tamasha hilo walipata maarifa kuhusu vyakula halal na aina mbali mbali ya mapishi. Mashirika mbali mbali yalitumia fursa hiyo kutangaza bidhaa zao halali.
Mbali na Waislamu zaidi ya bilioni 1.5 ambao hutumia chakula
Halal duniani, pia kuna watu wengine nusu bilioni wasiokuwa Waislamu ambao
hutumia chakula Halal. Hivi sasa biashara ya chakula Halal duniani inakadiriwa
kuwa na pato la dola trilioni mbili kwa mwaka. Chakula Halal huwa kinatayarishwa kwa kuzingatia mafundisho ya dini tukufu ya Kiislamu.
Kwa mujibu wa sensa ya hivi karibuni ya watu Uingereza, kuna Waislamu milioni 2.8 nchini humo kati ya watu milioni 64 nchini humo.
Waislamu wameenea katika maeneo yote ya Uingereza na wamewakilishwa katika sekta zote za kiuchumi, kisiasa na kiutamaduni. Waislamu wanamiliki migahawa, na biashara nyinginezo na pia wanafanya kazi katika sekta za sheria, tiba, teknolojia, usafiri, elimu, vyombo vya habari, sanaa, mitindo n.k.
