ایکنانیوز- سحر ٹی وی کے مطابق امریکا کے ڈرون طیاروں کے حملے میں جو ہفتے کو شمالی صوبے قندوز کے علاقے گل تپہ میں کئے گئے کم سے کم بارہ افغان شہری جاں بحق اور چھ دیگر زخمی ہوگئے۔
دو روز قبل بھی امریکا کے ڈرون طیاروں نے مشرقی صوبے کنڑ کے علاقے چوکی میں شادی کی تقریب پر بمباری کردی تھی جس میں چودہ عام شہری جاں بحق ہوگئے تھے۔
امریکا اور افغانستان کے درمیان ہونے والے سیکورٹی معاہدے میں واشنگٹن نے اس بات کا عہد کیا تھا کہ وہ رہائشی علاقوں پر حملے نہیں کرے گا لیکن واشنگٹن نے نہ صرف یہ کہ اس کی پابندی نہیں کی بلکہ وہ افغانستان کے اقتدار اعلی کی بھی خلاف ورزی کررہا ہے۔
افغانستان میں امریکا کے انسانیت سوز جرائم کی وجہ سے افغان عوام اور سیاسی شخصیات امریکی فوج کے انخلا کا مسلسل مطالبہ کررہے ہیں۔