د علمي پرمختګ او پوهې له سرحدونو د تیریدا موضوع بایدهیره نشي
ایکناخبری آژانس د پارس ټوډې له قوله راپور راکړد ایران د اسلامي انقلاب ستر لارښود حضرت ایت الله العظمی سید علي خامنه اي نن په اروپا کښې د محصیلینو د اسلامي ټولنو د اتحادیې د مرکزي شورا له غړیو سره په کتنه کښې اسلامي ټولنې د ایران د اسلامي جمهوریت یوه پانګه او د ځانګړي ماموریتونو لرونکي وبللې او ټينګار یې وکړ د قدم د ثبات دوام ، په ګیر چاپیر چاپیریال باندې اغیزشیندل او د ایران د اسلامي جمهوریت د نویو خبرو بیانول د اسلامي ټولنو ضروري کارونه دي.
حضرت ایت الله خامنه اي په دغه کتنې کښې په اروپا کښې د محصیلینو د اسلامي ټولنو د اتحادیې د یوه بنسټګر مرحوم حجت الاسلام ډاکټر اژه اي د خاطرې په لمانځلو سره د ځوانو محصیلینو فعالیت او له نویو او بدلون رامینځته کونکو نظرونو برخوریدل غنیمت وباله.
د ایران د اسلامي انقلاب ستر لارښود حضریت ایت الله العظمی سید علي خامنه اي زیاته کړه اسلامي ټولنې په دوو هدفونو د خپلو غړیو د اعتقادي او د فکري بنسټونو په پیاوړي کولو او دغه راز په ګیرچاپیر چاپیریال باندې د اغیز په شیندلو سره بڼه خپله کړه خو د ایران د باندې اسلامي ټولنې یو بل ماموریت هم لري هغه د ایران د اسلامي جمهوریت د مرکزي او د بنیادي تفکر معرفي کول دي.
هغه د جمهوریت او د اسلامیت د پیوند او د ارتباط په شمول د ایران د اسلامي جمهوریت د اصولو بیانول یوه کیلي وبلله او ویې ویل د ایران د اسلامي جمهوریت نوي خبره هم دا ده چې د یوه حکومت په جوړولو کښې په خلکو باندې په اغیز شیندلو سربیره په دیني او ایماني اصولو هم اغیز شیندي.
د ایران د اسلامي انقلاب ستر لارښود د اصولو او د بنسټونو په ساتلو سره د اسلامي ټولنو نوي کول د نن ورځې د شرایطو لپاره یو بل ضرورت وباله او جوته یې کړه ځینې اصول او مفاهیم ثابت او تل پاتې دي لکه د عدالت اصل چې له تیرو زرګونو کلونو راهسې شته او هیڅ زړیږي نه خو د عدالت د اجرا په شکل کښې د بدلون او د نوښت د رامینځته کیدا امکان شته.
هغه حضرت د علم او د علمي پرمختګ مسله په تیرو کلونو کښې د ایران دوده موضوع وبلله او په اروپا کښې د محصیلینو د اسلامي ټولنې په همدغه غونډې کښې د علمي غونډو د ترسره کیدا په درنښت کولو سره یې وویل د علمي پرمختګ او د پوهې له سرحدونو څخه د تیریدا مسله باید هیره نشي او دا ډول تصور ونشي چې دیني او انقلابي اړخونو ته پام کول له علمي پرمختګونو د غفلت سبب کیږي.
