ایکنا د افغان غږ خبري آژانس په حواله خبر ورکوي چې د کابل - کندهار پر لویه لار د ترافیکي پېښې له امله یو تن مړ او ۱۹ نور ټپیان شوي دي.
دا پېښه نن سهار شاوخوا پنځه نیمې بجې د زابل ولایت د شهر صفا ولسوالۍ په لومړۍ نمبر لویه لار کې هغه مهال رامنځته شوه، چې یو مسافر وړونکی بس د ډېر سرعت له امله له سړک څخه واوښت او چپه شو.
د زابل د امنيې قوماندانۍ وياند ذبيح الله جوهر ویلي چې په دې پېښه کې د بس چلوونکي خپل ژوند له لاسه ورکړی او نهه تنه نور ټپيان شوي.
د دې پېښې په ټپيانو کې ښځې او ماشومان هم شامل دي.
د کندهار د ميرويس روغتون ډاکټران چي ټپيان يې د درملني په موخه وړلي، د يو شمېر ټپيانو روغتيايي حالت د اندېښنې وړ وباله.
بل خوا په زابل ولايت کې په يوه بله ترافيکي پېښه کې سيمه ايزې سرچينې وايي چې په دې ولايت کې د يوه تېز موټر د چپه کېدو له امله يو تن وژل شوى او څلور نور ټپيان دي.
په زابل ولایت کې سیمه ایزې سرچینې وايي، چې په دغه ولایت کې د یوه تیز رفتار موټر د چپه کېدو له امله یو تن وژل شوی او څلور نور ټپیان شوي دي.
دا پېښه تېره ورځ د زابل ولایت په مرکز کلات سیمه کې رامنځته شوې ده.
دغه موټر هغه مهال چپه شو چې له سیوري ولسوالۍ څخه د زابل ولایت مرکز ته روان وو.
سرچينې د دې پېښې د دوو ټپيانو روغتيايي حالت د اندېښنې وړ بللى دى.
دولتي چارواکو تر اوسه په دې اړه څه نه دي ویلي.
باید وویل شي چې؛ تېز سرعت او د موټر چلولو د اصولو نه مراعت او غیر معیاري سړکونه تل د ترافیکي پېښو او د هېوادوالو د مرګ او ژوبلې لامل کېږي.