د برونئي قاري ښکلی تلاوت (عکس)
د ایکنا د راپور له مخې، په مالیزیا کې د قرآنکریم د ۶۳مې نړیوالې مسابقې دویمه ورځ د زمري په ۲۹ نېټه د یکشنبې په ماښام د مختلفو هېوادونو د ۸ تنو قاریانو په تلاوت سره پیل شوه.
له برونئي څخه "ارنګ محمد"، له کامبوج څخه "علي بن سوبیان"، له سویلي افریقا څخه رئیس نقي الدین، له انګلستان څخه "محمد حماد" او له هالنډ څخه "اختر نوراني بدلا" له درېیو ښځینه قاریانو سره د دې سیالیو د دویمې ورځې له سیالانو څخه وو.
د دویمې ورځې لومړی قاري له برونئي هېواد څخه «ارانګ محمد» وو، چې د «شورا» مبارکې سورې آیتونه یې تلاوت کړل.
مسعود نوري؛ د قرآن او معارف سیما شبکې په ځانګړی پروګرام کې د قرآن کریم یو قاري او کارپوه د دغه برونئي قاري له تلاوت وروسته، د هغه د قرائت طرز او طریقه خوښه کړه اوویل: بې له شکه له مالیزیا سره د برونئي د نږدیوالی په پام کې نیولو سره؛ په کوم ځای کې چې دا سیالۍ ترسره کېږي، د دې هېواد قاریان د مالیزیا له قاریانو څخه ډېر متاثره شوي او باید وویل شي چې تمه کېده چې، دا قاري به یو ابتدايي تلاوت ولري، خو تلاوت یې زړه راښکونکی او غوږونو ته خوښ وو، هغه وتوانید چې صوتي قواعد په ښه توګه مراعات کړي.
هغه په دوام سره وويل: د دغه برونئي قاري تحریرونه د منلو وړ وو، خو په ځينو ځايونو کې مو د هغه په غږ او سر کې ناکوکي وليدل، چې د خپل تلاوت په پورته او ښکته کولو کې يې لازم مهارت او کنټرول نه درلود، چې ونشو کړای د خپل تلاوت په ځینو برخو کې تسلط او کنټرول ولري چې د هغه له مهمو کمزوریو څخه کولای شو په تلاوت کې د آکسان نه مراعاتولو یادونه وکړو.
