Rusiyalı keşişə Nəhcül-Bəlağə hədiyyə edildi – Foto
İQNA-nın (Beynəlxalq Quran Xəbər Agentliyi) verdiyi xəbərə görə, "Nəhcül-Bəlağə" kitabının araşdırmaçısı Höccətül-İslam vəl-müslimin Seyid Sadiq Musəvi Rusiyanın paytaxtı Moskvada Ortodoks kilsəsinin keşişi və yepiskopu İlarion ilə görüşüb.
Dünya müsəlmanlarının dahi rəhbəri Həzrət Ayətullah Üzma Seyid Əli Hüseyni Xameneinin Moskvadakı xüsusi nümayəndəsi Höccətül-İslam vəl-müslimin Sabir Əkbəri Ciddi və İran İslam Respublikasının Mədəniyyət Əlaqələri İdarəsinin rəisi Qəhrəman Sleymaninin iştirakı ilə keçirilən bu görüşdə yepiskop İlariona "Nəhcül-Bəlağə" hədiyyə edilib.
Yepiskop İlarion bu görüşdə bəşər cəmiyyətində məhəbbət, müdara, anlaşıqlı keçinmək, tolerantlıq mədəniyyətinin yayılması və radikalizmlə mübarizə üçün həmkarlığın zəruri olduğunu vurğulayıb.
"Nəhcül-Bəlağə" kitabının araşdırmaçısı Höccətül-İslam vəl-müslimin Seyid Sadiq Musəvi məsihi keşişlərinin məhəbbəti və müsəlman ruhanilərin İslami əxlaqı yaymasını bəşəriyyətin radikalizmi məğlub etmək üçün istifadə etdiyi məntiqin iki qanadı hesab edib.
O əlavə edib: Böyüklüyü, əzəməti və bütün fəzilətləri ilə bütün müsəlmanlar tərəfindən qəbul edilən şəxsiyyətin, yəni İmam Əlinin (ə) dürəfşan kəlamlarının məcmuəsi olan Nəhcül-Bəlağə kitabı xalis İslam məntiqinin simvoludur. Bəşəriyyət bu kitabı oxumaqla İslam dininin həqiqi simasını görə bilər.
http://iqna.ir/fa/news/3742588
