Moskvada Quran festivalı keçiriləcək
İQNA-nın (Beynəlxalq Quran Xəbər Agentliyi) verdiyi xəbərə görə, Rusiyanın paytaxtı Moskva şəhərinin Came məscidinin "açıq qapı günü" mərasimi çərçivəsində Qurani-Kərim festivalı da keçiriləcək.
Moskva Came məscidi "açıq qapı günü" mərasimini Mart ayının 24-də keçirəcəkdir.
Bu mərasim Moskvanın müftilər şurası, Rusiya Federasiyasının Müsəlman Ruhanilər İdarəsi, "Fadalan" film mərkəzi, "Aktiv" könüllülər dəstəsi və Moskva Müsəlmanları Ruhanilər İdarəsi tərəfindən həyata keçirilir.
İran İslam Respublikasının Rusiyadakı Mədəniyyət Əlaqələri İdarəsinin bu barədə verdiyi məlumata görə, "məscidin açıq qapısı günü" mərasimi zamanı Moskva Came məscidinin təhsil və mədəniyyət zalı müxtəlif dinlərdən və millətlərdən olan qonaqlara ev sahibliyi edəcəkdir.
Məscidin ərazisində 3 min metr sahədə yarış, təlim dərnəyi, sual-cavab masası və digər müxtəlif proqramlar icra ediləcəkdir.
